08. Dezember 2023

 
 
 
1998 - Dein Freund und Helfer
 
​
Polizist: He, Spüeme, was sell das do im Garte?

Spüeme: Was meinsch? Was im Garte?

Polizist: Die Hanfpflanzen, die si illegal! Wer chunnt uf e settigi Lusbuebe-Idee?

Spüeme am Telefon zum Bieli (Abwart): Heinz, die grüne Pflanze im Bluemebett, hesch du die aapflanzt?

Bieli: Nei, i gloube, das isch’s Heidi (Pflegedienstleiterin) gsi!

E baar Sekunde schpöter​ s‘Heidi: Jä, gell, s’gseht guet us? Si sy scho rächt gross?

Spüeme: Jo, schön, aber leider illegal!

Heidi: Waas?

Spüeme: Weisch, wär näbe mir stoht? Dr Boner (Polizeiwachtmeister)

Polizei: Jä Frau Wagner, Hanf isch’s, und das i mene Altersheim! Dasch öppis für Präss.                    Schlächti Reklama, he? Mir chöme z’Obe wider cho luege!


Resultat: Zobe het dr Boner nüt me gseh und s’Lusmaitli und dr Heinz hei wieder e schön Fläckli Naturbode gha.